shayamombe dziva
Shayamombe
Mandinginda, hove irimudziva
Maita Dziva
Save Musaigwa mucheka uzere mavi
Nyakuzvidzwa
Nhemahuru
Zindinginda hore iri mudenga
Masvinyaire risina masa
Maita vari Majenya
Zvaonekwa vari Nyaurungu
Maita muNhobvu wangu uyu
Akabva Dzokota, achiera Dziva
Dziva iri hove; hove iri nyamasase
Tatenda varimumvura
Dambiro ravasikana
Hekani Muzivikani
Chishongo changu chichi
Hekani Mironga
Hunga
Dedza
Kuziva zvenyu vaMudziva, vaMurambatsvina
Maita vari Goto, vari Urambi
Hekanhi Save, Sambiri Pakuru mueranamasa.
Maita zvenyu vari kuna Save rwizi rwukuru
Mukota
Madzimbabwe makuru
Aiwa zvaonekwa Marasamasa.
shato mheta
Shato
Mheta
Maita Saunyama
Maita Mheta
Svova nepasi
Svongongorongo
Maita mafamba nedumbu
Chikara.
shiri maokovari
Mazviita Shiri Hungwe
Matapira
Ziendanomudenga
Pasi yakatya ndove, Mudyanavana
Kunyima vana zvinoshura
Vakadzi kuvarume vavo
Vaira shiri nebanga hazvionani
Zvombo zveshumba
Muranda wavanhukadzi
Zvaitwa Hungwe yangu iyi
Shiri isina shura nomunhu
Haiwa, maita Shiri
Mwana waChasura
Maita zvenyu vaChifambanokudenga
Zvaitwa vaira Shiri
Shiri chena, tarirai kwadzinobva
Gonerakudera, vaMurefu
Mapatapasi
VokwaChinobhururuka
Muira shiri wangu uyu
Shiri iri Hungwe
Aiwa zvaonekwa maokomavi.
shonga nyati
Maita Nyati
Maita Zvigarambabvu
Hekani Nyati yangu iyi
Zvaitwa shinga
Mwana waMuswere
Tatenda vari Museso navari Minanga
Vagari veMhinha
Shonga yangu iyi
Vanoramba kudya nyama yomusana
Muchida yechityu
Maita Nyati, maita Shonga
Hekani Makoni wangu mazamu eNyati
Vanotukwa nedengu romupunga
Rorukweza riri munyasi
Kuziva zvenyu Nyati yangu iyi
Vachibaya mombe
Kudya mbudzi urombo
Zvaitwa vari Masendeke
Vasingaiswi vhu munzeve
VokwaChireranherera
Vari muHomwe
MuUngwe waDerere asingadyi derere
Kuteketera kuteketerwa nedengu romupunga
Rorukweza ngeremhamba
Vanhu vasingaiti mhezi
Maita varere Mhinha nevari Masendeke
Zvaitwa muUngwe.
